سر پر گیند لگنے کے بعد زخمی میر حمزہ نے اسلام آباد یونائیٹڈ میں شمولیت اختیار کی
شائع شدہ تاریخ 09 اپریل, 2026
ترجمان اسلام آباد یونائیٹڈ کے مطابق اسپتال سے مکمل تسلی اور کلئیرنس کے بعد میر حمزہ سجاد نے اسکواڈ کو جوائن کیا ہے، میر حمزہ سر پر گیند لگنے کے باعث کچھ دیر کے لیے بے ہوش ہوگئے تھے۔
ترجمان نے بتایا کہ اسلام آباد یونائیٹڈ کے میڈیکل اسٹاف نے فوری طور پر میر حمزہ کو طبی امداد فراہم کی اور اسپتال منتقل کیا، میر حمزہ کو ایمبولنس میں ہوش آنا شروع ہوچکا تھا اور وہ میڈیکل ٹیم سے بات بھی کررہے تھے۔
ترجمان کے مطابق میرحمزہ سجاد کا اسپتال پہنچ کر سی ٹی اسکین کروایا گیا اور رات بھر ان کا معائنہ کیا گیا، ڈاکٹروں نے مکمل رپورٹس اور معائنے کے بعد میر حمزہ کو اسپتال سے ڈسچارج کردیا، اب وہ ہوٹل پہنچ چکے ہیں جہاں میڈیکل ٹیم ان کی مسلسل نگرانی کررہی ہے۔
ترجمان نے مزید بتایا کہ فاسٹ بولر کے لیے مسلسل دعائیں اور خیال رکھنے پر میڈیکل پینل، دیگر فرنچائزز اور شائقین کے مشکور ہیں، اسلام آباد یونائیٹڈ میر حمزہ کے ساتھ کھڑی ہے، کھلاڑی کی صحت و سلامتی اسلام آباد یونائیٹڈ کی اولین ترجیح میں شامل ہے۔
