سوشل میڈیا پلیٹ فارمز پر اداکار منیب بٹ کا ایک نجی انٹرویو کا پرومو کلپ وائرل ہورہا ہے جس میں میزبان اداکارہ زارا نور عباس  منیب بٹ سے ان کی بیٹیوں سے متعلق سوال کرتی دیکھی جاسکتی ہیں۔

سوال کے جواب  پر منیب بٹ کا کہنا تھا کہ’  جس جس سال میرے گھر بیٹی پیدا ہوئی وہ سال میرے لیے معاشی اور پیشہ ورانہ دونوں لحاظ سے بہترین رہے، اس دوران میرے ڈرامے بھی سپر ہٹ رہے‘۔

منیب بٹ نے یہ بھی کہا کہ فیملی ٹائمنگ کے دوران جو مکمل خوشی آپ محسوس کرتے ہیں وہ آپ کو کسی بھی جگہ نہیں مل سکتی۔

واضح رہے کہ پاکستانی شوبز انڈسٹری کی معروف جوڑی اداکار منیب بٹ اور اداکارہ ایمن خان کے ہاں تیسری بیٹی کی پیدائش رواں برس اگست میں  ہوئی ہے۔

 اس سے قبل  جوڑے کی 2 بیٹیاں امل اور مرال ہیں، اداکار منیب بٹ اور اداکارہ ایمن خان کی شادی 2018 میں ہوئی تھی