بین الاقوامی شہرت یافتہ پاکستانی گلوکار ساحر علی بگا جنہوں نے کئی سپرہٹ فلموں اور ڈراموں کے میوزک کمپوز کرنے کے علاوہ میوزک انڈسٹری کو اپنی آواز کے ذریعے ’بازی‘ اور ’ڈھولا‘ جیسے مشہور گیت دیئے۔ اب کی بار ساحر علی بگا اپنے چاہنے والوں کے لیے ایک اور گیت کے ساتھ سامنے آرہے ہیں۔ تفصیلات کے مطابق ساحر علی بگا نے ’وشملے‘ نام سے گیت تیار کیا ہے جس کا پوسٹر بھی جاری کردیا گیا ہے۔ ساحر علی بگا کے ہمراہ اس گانے میں گلوکارہ آئمہ بیگ کی آواز بھی شامل ہے۔ اردو، پنجابی اور بلوچی زبان میں بنائے گئے گیت کو 24 فروری کو ریلیز کیا جائے گا۔ گلوکار ساحر علی بگا کہتے ہیں  ہمیشہ کوشش رہی کہ ایسا میوزک دیا جائے جسے لوگ پسند کریں، شادیوں پر لوگوں کو بھارتی میوزک لگاتے دیکھا۔ اس گانے کی ریلیزکے بعد لوگ خوش کے لمحات  کے دوران بھارتی میوزک کو بھول جائیں گے۔ https://twitter.com/sahiralibagga/status/1625845740672020481?ref_src=twsrc%5Etfw%7Ctwcamp%5Etweetembed%7Ctwterm%5E1625845740672020481%7Ctwgr%5E1b0147e82118f0717b0ea4c5bae4c1c49a680ee1%7Ctwcon%5Es1_&ref_url=https%3A%2F%2Fgnnhd.tv%2Furdu%2Fnews%2F21008 ساحر علی بگا نے کہا کہ  گلوکارہ نازیہ حسن اور ذوہیب حسن کے بعد ڈوئٹ سنگر نہیں تھے، آئمہ بیگ کے ساتھ ڈوئٹ گیتوں کو لوگوں نے بے حد پسند کیا۔ گانے کی ویڈیو پر ڈائریکٹر عدنان قاضی نے بڑی محنت کی ہے جس میں صرف پاکستانی ثقافت کو اجاگر کیا گیا ہے۔