کیماڑی گیس کے اخراج کی انکوائری کمیٹی کے سربراہ کمشنر افتخار شالوانی نے منگل کو گیس کے اخراج کے واقعہ کی تحقیقات کے لئے متاثر ہونے والے علاقوں اور پاکستان انٹرنیشنل کنٹینرز ٹرمنل پر برتھ کا دورہ کیا ۔ کراچی : دورے میں انہوں نے واقعہ سے متعلق ضروری معلومات حا صل کیں۔ اس موقع پر وہ متاثرہ علاقوں عارضی ریلوے کالونی اور کسٹم کالونی گئے جہاں جاں بحق ہونے والے افراد کے لواحقین سے بھی ملاقات کی۔انہوں نے اس موقع پر ان سے دکھ اورافسوس کا اظہار کیا ،ا ن سے واقعہ سے متعلق تفصیلات حا صل کیں ۔ اس موقع پر ایس پی کیماڑی ڈاکٹر عمران خان اور اسسٹنٹ کمشنر ہاربر عبد الر حیم قریشی بھی موجو د تھے۔