پاکستان ٹیلی کمیونیکیشن اتھارٹی (پی ٹی اے) نے گزشتہ دنوں ’پب جی‘ گیم پر عارضی طور پر پابندی عائد کی تھی جس کے بعد سوشل میڈیا پر UnBanpubgInPakistan#کا ٹرینڈ مقبول ہوگیا۔ پی ٹی اے نے مختلف طبقات کی جانب سے آن لائن گیم پلیئرز ان نون بیٹل گراؤنڈز (پب جی) کے خلاف متعدد شکایات کو مد نظر رکھتے ہوئے گیم پر عارضی طور پر پابندی عائد کرنے کا فیصلہ کیا تھا۔ بعدازاں سوشل میڈیا پر گیم پر لگائی جانے والی پابندی کے حوالے سے ایک نئی بحث چھڑ گئی ہے۔ https://twitter.com/Shani15494548/status/1278953297928491008 ٹوئٹر پر شانی نامی صارف نے لکھا کہ 'یہ بات صاف لکھی ہوئی ہے کہ گیم 16 سال سے زائد عمر کے لوگوں کے لیے ہے، والدین کی یہ ذمہ داری ہے کہ وہ اپنے بچوں کو نظر رکھیں'۔ https://twitter.com/KashifK40385014/status/1278958763786067970 کاشف کھوسو لکھتے ہیں کہ 'بے شمار لوگ ایسے ہیں جو ای اسپورٹ میں اپنا کیرئیر بنا رہے ہیں اور پب جی موبائل نے انہیں موقع فراہم کیا ہے، میں پی ٹی اے سے اپیل کرتا ہوں کہ پاکستان میں پب جی موبائل سے پابندی ہٹائی جائے، ہر کوئی  گیمنگ کمپیوٹر خریدنے کی استطاعت نہیں رکھتا'۔ https://twitter.com/usmanmurtaza345/status/1278958779762163714 عثمان گجر لکھتے ہیں کہ 'ہم گیمرز ہیں، دہشت گرد نہیں'۔ https://twitter.com/RaiMurad2/status/1278788081454374917 ایک اور صارف کہتے ہیں کہ 'گیم کھیلنا جرم نہیں ہے'۔