نیٹو کا ہنگامی اجلاس طلب
شائع شدہ تاریخ 06 جنوری, 2020
امریکی حملے میں ایرانی جنرل قاسم سلیمانی کی ہلاکت سے خطے میں پیدا ہونے والی صورتحال پر غور کے لیے نیٹو کا ہنگامی اجلاس طلب کرلیا گیا۔ نیٹو حکام کے مطابق سیکریٹری جنرل اسٹولٹن برگ نے تمام اتحادیوں سے مشاورت کے بعد ہنگامی اجلاس آج برسلز میں طلب کیا ہے، اجلاس میں مشرقی وسطی کی صورتحال پر تبادلہ خیال کیا جائے گا۔اس سے دو روز قبل نیٹو نے سیکیورٹی خدشات پر عراق میں اپنا تربیتی مشن بند کرنے کا اعلان کیا تھا۔ واضح رہے کہ امریکی حملے میں قتل ہوئے ایرانی کمانڈر قاسم سلیمانی کی بیٹی نے امریکی صدر ٹرمپ کو متنبہ کرتے ہوئے کہا ہے کہ والدکی موت پر امریکا اور اسرائیل کو سیاہ دن دیکھنا پڑے گا۔
