ملتان ٹیسٹ کے دوسرے روز پاکستان کی پہلی اننگز میں مڈل آرڈر بری طرح ناکام ہونے کے بعد پوری ٹیم 202 رنز بنا کر پویلین لوٹ گئی۔ تفصیلات کے مطابق ملتان ٹیسٹ میں قومی ٹیم 202 رنز پر پویلین لوٹ گئی جس کے بعد  انگلینڈ کو 79 رنز کی برتری حاصل ہوگئی  ہے۔ بابر اعظم کے 75 اور سعود شکیل کے 63 رنز کے علاوہ کوئی بیٹسمین اچھی بیٹنگ نہیں کر سکا۔ امام الحق صفر، عبداللہ شفیق 14، محمد رضوان 10، آغا سلمان 4 اور محمد نواز ایک رنز بنا کر پویلین لوٹ گئے ۔ محمد علی  اورزاہد محمودبغیر کوئی رن بنائے آؤٹ ہوئے۔ انگلینڈ کے جیک لیچ نے 4 کھلاڑیوں کو پویلین کی راہ دکھائی۔ مارک ووڈ اورجو روٹ نے 2،2 کھلاڑیوں کو آوٹ کیا۔ جیمز انڈرسن اور روبنسن نے ایک ایک کھلاڑی کو آوٹ کیا۔ اس سے قبل انگلینڈ کی ٹیم پہلی اننگز میں 281 رنز بنا کر آوٹ ہوئی تھی۔  پاکستان کی طرف سے ڈیبیو کرنے والے ابرار احمد نے 7 اور زاہد محمود نے تین کھلاڑیوں کو آوٹ کیا تھا۔ خیال رہے پاکستان اور انگلینڈ کے درمیان راولپنڈی میں کھیلا گیا پہلا ٹیسٹ میچ انگلینڈ نے 74 رنز سے جیت لیا تھا۔