ماسک نہ پہننے پر ضلعی انتظامیہ کے شہریوں کو کرنٹ کے جھٹکے
شائع شدہ تاریخ 08 جون, 2020
طبی ماہرین کا کہنا ہے کہ کورونا کے پھیلاؤ کو روکنے کے لیے ماسک ضروری ہے اس لیے حکومت نے شہریوں کو ماسک کے استعمال پر مجبور کرنے کیلئے ہر ممکن حربہ استعمال کرنے کی تجویز پر عمل درآمد شروع کر دیا ہے. فیصل آباد میں ماسک کے استعمال کو یقینی بنانے کیلئے ضلعی انتظامیہ نے شہریوں کو الیکٹرک شاک گن سے جھٹکے دینا شروع کر دیئے ہیں جبکہ ماسک نہ پہننے پر خلاف ورزی کرنے والوں کو شدید گرمی میں آدھا گھنٹہ دھوپ میں بھی کھڑا کر کے سزا دی جاتی ہے. اس کے علاوہ انتظامیہ بہ زور دست بھی اس پابندی پر عملدرآمد کرانے کیلئے شہریوں پر تشدد بھی کر رہی ہے مگر شہری ہیں کہ کوئی نہ کوئی نیا بہانہ یا عذر گڑھ لیتے ہیں. یاد رہے کہ فیصل آباد کے علاوہ لاہور میں بھی ماسک کی پابندی نہ کرنے والے شہریوں کی موٹر سائیکل کی ہوا نکالنے کی سزا دی جا رہی ہے.
