لاہور :پاکستان ہاکی ٹیم یورپ روانگی کے لیے نیشنل ہاکی اسٹیڈیم سے ائرپورٹ پہنچ گئی جہاں سے وہ  ہالینڈ کیلئے روانہ ہوگئی ۔  تفصیلات کے مطابق قومی ٹیم دورہ یورپ کے دوران چھ میچز کھیلے گی ۔ قومی  ہاکی ٹیم ہالینڈ کے خلاف 2 ،  بیلجیئم کے ساتھ ایک اور اسپین کے خلاف 3 میچز کھیلے گی۔ قومی ٹیم تین دن ٹریننگ کے بعد پہلا میچ ہالینڈ کے خلاف 26 اپریل کو بریڈہ میں  کھیلے گی  ۔ 20 رکنی ہاکی اسکواڈ کی قیادت عمر بھٹہ کریں گے جبکہ علی شان نائب کپتان ہونگے ۔   دورہ یورپ میں شامل کھلاڑیوں میں اکمل، عبداللہ اشتیاق، مبشر علی، عماد شکیل، محمد عبد اللہ، ارباز علی، محمد رضوان، حماد انجم، غضنفر اور معین شکیل شامل ہیں۔ اسی طرح عبدالمنان، جنید منظور، رومان خان، ابو بکر محمود، رانا وحید، سلمان رزاق، حنان شاہد اور اعجاز بھی 20 رکنی پاکستان ہاکی ٹیم کا حصہ ہیں۔ ٹیم منیجمنٹ میں منیجر خواجہ جنید، سیگفریڈ ایکمین، وسیم احمد، باب جان ویلڈف اور ندیم لودھی شامل ہیں۔