شورکوٹ میں سیوریج کا پانی جمع ،شہریوں کو شدید مشکلات
شائع شدہ تاریخ 06 جنوری, 2020
نماز کے اوقات میں بھی شہریوں کو مجبورا گندے پانی سے گزرکرجاناپڑتا ہے شورکوٹ: شورکوٹ شہر کے علاقے نواں شہر ،پرانی سبزی منڈی ،محلہ حسین آباد ،محلہ قریشانوالہ،بستی آرائیاں والی سمیت دیگر گلی کوچوں میں سیوریج کا پانی جمع ہو نے کی وجہ شہر یوں کو شدید مشکلات کا سامنا گٹروں میں بلاکیج ہونے کی وجہ سے سیوریج کا پانی لوگوں کے گھروں میں داخل ہونا شروع ہوجاتا ہے جس کی وجہ سے شورکوٹ کے شہر یوں کو شدید مشکلات کا سامنا کر نا پڑتا ہے جبکہ نماز کے اوقات میں بھی شہر یوں کو مجبور اً گندے پانی سے گزر کر جانا پڑتا ہے جس کی وجہ سے شہریوں کے کپڑے ناپاک ہونا روز مرہ کا معمول بن چکا ہے شورکوٹ شہر کے عوامی وسماجی حلقوں نے ارباب اختیار سے فوری طور ی نوٹس لینے کا مطالبہ کیا ہے ۔
