چیف سلیکٹر محمد وسیم نے اعلان کیا ہےکہ آئی سی سی مینز ٹی20 ورلڈکپ کے لیے قومی اسکواڈ میں تبدیلیاں کردی گئی ہیں۔ اعظم خان اور محمد حسنین کی جگہ وکٹ کیپر بیٹر سرفراز احمد اور حیدر علی کو 15رکنی قومی اسکواڈ کا حصہ بنالیا گیا ہے۔ ان کے علاوہ ٹریول ریزرو میں موجود فخر زمان کو خوشدل شاہ کی جگہ قومی اسکواڈ میں شامل کیا گیا ہے۔ آئی سی سی مینز ٹی20ورلڈ کپ 17 اکتوبر سے 14 نومبر تک متحدہ عرب امارات میں کھیلا جائے گا۔ ایونٹ میں پاکستان اپنا پہلا میچ 24 اگست کو بھارت کے خلاف کھیلے گا۔ https://twitter.com/TheRealPCB/status/1446454996845932545?ref_src=twsrc%5Etfw%7Ctwcamp%5Etweetembed%7Ctwterm%5E1446454996845932545%7Ctwgr%5E%7Ctwcon%5Es1_&ref_url=https%3A%2F%2Fwww.samaa.tv%2Furdu%2Fsports%2F2021%2F10%2F2402754%2F صہیب مقصود کا اسکواڈ میں برقرار رکھنے کا فیصلہ میڈیکل ایڈوائس پر کیا جائے گا۔ ٹاپ آرڈر بیٹر کی لوئر بیک کا ایم آر آئی اسکین 6 اکتوبر کو کروایاگیا تھا۔ چیف سلیکٹر محمد وسیم کا کہنا ہے کہ محمد وسیم کا کہناہے کہ نیشنل ٹی20 میں کھلاڑیوں کی کارکردگی کا جائزہ لینے کے بعد ہم نے ٹیم منیجمنٹ کی مشاورت سے اسکواڈ میں تین تبدیلیاں کرکے حیدر علی، فخر زمان اور سرفراز احمد کو 15 رکنی اسکواڈ میں شامل کیا ہے۔ انہوں نے کہا کہ تینوں کھلاڑیوں کی اسکواڈ میں شمولیت سے قومی اسکواڈ کو مزید توازن ملے گا۔ محمد وسیم نے مزید کہا کہ اعظم خان، محمد حسنین اور خوشدل شاہ کی مایوسی کا اندازہ ہےمگر ان تینوں کھلاڑیوں کی جگہ سرفراز احمد، حیدر علی اور فخر زمان نے نیشنل ٹی20 میں بہتر کھیل پیش کیا تاہم ابتدائی تینوں کھلاڑی ہمارے مستقبل کے پلانز کا حصہ رہیں گے۔   پاکستان کا ٹی20 ورلڈکپ اسکواڈ کپتان بابر اعظم، شاداب خان (نائب کپتان)، آصف علی، فخر زمان، حیدر علی، حارث رؤف، حسن علی، محمد حفیظ، عماد وسیم، سرفراز احمد، محمد نواز، محمد رضوان، محمد وسیم جونیئر اور شاہین شاہ آفریدی شامل ہیں۔ ریزرو کھلاڑیوں میں: شاہنواز دھانی ، خوشدل شاہ اور عثمان قادر کے نام شامل ہیں۔ آئی سی سی مینز ٹی20 ورلڈکپ2021 میں پاکستان کے مقابلے اکتوبر 24: پاکستان بمقابلہ بھارت اکتوبر 26: پاکستان بمقابلہ نیوزی لینڈ اکتوبر 29: پاکستان بمقابلہ افغانستان نومبر 07: پاکستان بمقابلہ بی ون نومبر 10: پہلا سیمی فائنل نومبر 11: دوسرا سیمی فائنل نومبر 14: آئی سی سی ٹی20 ورلڈکپ فائنل