ویسٹ انڈیز کرکٹ ٹیم نے دورہ پاکستان کے لیے اپنے 15 رکنی اسکواڈ کا اعلان کیا ہے۔ تفصیلات کے مطابق کیرون پولارڈ کی ریٹائرمنٹ کے بعد ویسٹ انڈیز ٹیم کی قیادت نکولس پورن کے سپرد کی گئی ہے جب کہ شائی ہوپ کو نائب کپتان مقرر کیا گیا ہے جبکہ جیسن ہولڈر کو آرام دیا گیا ہے۔ ویسٹ انڈین ٹیم کے 15 رکنی اسکواڈ میں شائی ہوپ، اینکروما بومر، شامراہ بروکس، کیسی کارٹی، عقیل حسین، الزاری جوزف،برینڈن کنگ، شیرمن لوئیس ، کائیل میئرز، اینڈرسن فلپ، راومن پوول، جیڈن سیلز، روماریو شیفرڈ اور ہیڈن والش جونیئر کے نام شامل ہیں۔ https://twitter.com/windiescricket/status/1523671112680361985?ref_src=twsrc%5Etfw%7Ctwcamp%5Etweetembed%7Ctwterm%5E1523671112680361985%7Ctwgr%5E%7Ctwcon%5Es1_&ref_url=https%3A%2F%2Fgnnhd.tv%2Furdu%2Fnews%2F14820 یاد  رہے کہ پاکستان اور ویسٹ انڈیز کی کرکٹ ٹیموں کے درمیان 3 ایک روزہ میچز کی سیریز آئندہ ماہ کی 8، 10 اور 12 تاریخ کو روالپنڈی میں کھیلی جائے گی۔