امریکی صدر ڈونلڈ ٹرمپ نے عالمی ادارہ صحت (ڈبلیو ایچ او) پر کڑی تنقید کرتے ہوئے الزام لگایا کہ وہ چین پر بہت زیادہ توجہ مرکوز کررہے ہیں اور ساتھ ہی خبردار کیا کہ وہ اس ایجنسی کے لیے امریکی مالی اعانت پر پابندی لگائیں گے۔ غیر ملکی خبر رساں ادارے رائٹرز کی رپورٹ کے مطابق ٹرمپ نے سماجی رابطے کی ویب سائٹ ٹوئٹر پر بیان جاری کرتے ہوئے کہا کہ ’واقعی ڈبلیو ایچ او نے اسے تباہ کردیا‘۔انہوں نے کہا کہ ’کسی وجہ سے، بڑے پیمانے پر امریکا کے ذریعہ ادارے کو مالی اعانت فراہم کی جاتی ہے، اس کے باوجود ان کا جھکاؤ چین کی جانب بہت زیادہ ہے، ہم اسے اچھی طرح سے دیکھیں گے‘۔تحریر جاری ہے‎انہوں نے کہا کہ ’خوش قسمتی سے میں نے چین کے لیے اپنی سرحدوں کو کھلا رکھنے سے متعلق ان کے مشورے کو مسترد کردیا، انہوں نے ہمیں ایسی ناقص سفارش کیوں دی؟‘ https://twitter.com/realDonaldTrump/status/1247540701291638787 بعد ازاں وائٹ ہاؤس کی نیوز بریفنگ میں ٹرمپ نے اقوام متحدہ کی صحت کی تنظیم کے خلاف لگائے جانے والے الزامات کو دہرایا۔امریکی صدر نے کہا کہ ’انہوں نے اسے غلط کہا، انہوں نے واقعی ایسا کیا، انہوں نے کسی کی نہیں سنی، ہم ڈبلیو ایچ او پر خرچ کی جانے والی رقم پر قابو پالیں گے، ہم اس پر ایک بہت طاقتور گرفت رکھتے ہیں اور ہم اس سے متعلق نظر ثانی کرنے جارہے ہیں‘۔اقوام متحدہ کے ترجمان اسٹیفن ڈوجرک نے ڈبلیو ایچ او پر کی جانے والی تنقید کو مسترد کردیا، جس کی سربراہی ڈائریکٹر جنرل تیدروس ادھانوم کررہے ہیں۔ انہوں نے صحافیوں سے بات کرتے ہوئے بتایا کہ ’سیکریٹری جنرل انتونیو گوتریس کے لیے یہ واضح ہے کہ ڈاکٹر تیدروس کی سربراہی میں ڈبلیو ایچ او نے لاکھوں سامان بھیجنے والے ممالک کی مدد کرنے، تربیت دینے والے ممالک کی مدد کرنے، عالمی رہنما گائیڈلائنز کی فراہمی کے سلسلے میں، کورونا وائرس پر زبردست کام کیا ہے، ڈبلیو ایچ او عالمی صحت کے نظام کی طاقت کا مظاہرہ کر رہا ہے‘۔انہوں نے کہا کہ ڈبلیو ایچ او نے حال ہی میں کانگو میں ایبولا، ایک متعدی اور اکثر مہلک بیماری سے نمٹنے کے لیے اپنے عملے کو صف اول پر کھڑا کرنے میں ’زبردست کام‘ کیا ہے۔ ڈبلیو ایچ او نے ٹرمپ کے ریمارکس پر تبصرہ کرنے کے لئے رائٹرز کی درخواست کا کوئی جواب نہیں دیا۔