لارڈز ٹیسٹ: انگلینڈ نے پہلے دن 9 وکٹ پر 248 رنز بنالیے
شائع شدہ تاریخ 28 اگست, 2026
لارڈز میں خراب موسم کے باعث میچ تاخیر سے شروع ہوا۔پاکستان نے ٹاس جیت کر فیلڈنگ کا فیصلہ کیا۔
محمد عباس نے صرف 36 کے مجموعی اسکور پر بین ڈکیٹ، ایمیلو گے اور جوروٹ کو پویلین بھیج دیا۔
ہیری بروک 15 رنز بناکر محمد علی کی گیند پر بولڈ ہوئے۔ پھر جارڈن کاکس اور ڈین لارنس نے اسکور 120 تک پہنچادیا۔
ڈین لارنس 17 رنز بناکر رن آؤٹ ہوئے، جارڈن کاکس اور جیمی اسمتھ نے 67 رنز کی شراکت بنائی۔کاکس کا سلپ میں سلمان علی آغا نے شاندار کیچ پکڑا وہ 55 رنز بناکر آؤٹ ہوئے۔جیمی اسمتھ نے61 رنز کی اننگز کھیلی۔
جب خراب روشنی کے باعث کھیل ختم کرنے کا اعلان کیا گیا تو انگلینڈ نے 9 وکٹ پر 248 رنز بنالیے تھے۔گس ایٹکنسن 34 اور جوش ٹنگ ایک رنز بناکر کریز پر موجود ہیں۔
پاکستان کی جانب سے محمد عباس نے شاندار بولنگ کی اور 4 وکٹیں حاصل کیں۔ان کے علاوہ محمد علی نے تین اور خرم شہزاد نے ایک وکٹ حاصل کی۔
وقفے وقفے سے ہونے والی بارش اور پھر خراب روشنی کے باعث کھیل بری طرح متاثر ہوا اور پہلے دن صرف 56 اوورز کا کھیل ہوسکا۔
