الیکشن کمیشن آف پاکستان نے اثاثوں کی تفیصلات جمع نہ کروانے والے 143 اراکین پارلیمنٹ اور ‏صوبائی اسمبلی کی رکنیت معطل کر دی۔ تفصیلات کے مطابق اراکین اسمبلی کو اثاثوں کی تفصیلات مقررہ وقت پر جمع نہ کروانا مہنگا پڑ ‏گیا۔ الیکشن کمیشن نے فوری ایکشن لیتے ہوئے 143 اراکین کی اسمبلی رکنیت معطل کر دی۔ سینیٹ کے 3، قومی اسمبلی کے 36 ارکان کی رکنیت معطل کی گئی ہے۔ پنجاب اسمبلی کے69، ‏سندھ کے 14، کےپی کے 21 ارکان اور بلوچستان اسمبلی کے7ارکان کی رکنیت معطل کی گئی ہے۔ ان ارکان قومی اسمبلی کی رکنیت معطلی ہوئی ہے ان میں مصدق ملک، نور الحق قادری، پرویز ‏اشرف، فرخ حبیب، حماد اظہر، شفقت محمود، فہمیدہ مرزا، عامرلیاقت شامل ہیں۔