فیصل آباد میں کھرڑیانوالہ کے علاقے میں دو محنت کش لڑکیوں سے زیادتی کا واقعہ پیش آیا ہے، پولیس نے واقعے کا مقدمہ درج کرلیا تاہم ملزم گرفتار نہیں ہو سکا ہے۔ پولیس کے مطابق کھرڑیانوالہ کے صنعتی علاقے میں واقع ٹیکسٹائل ملز میں محنت کش خاتون بتول اپنی ایک 13 سالہ بیٹی اور ایک 12 سالہ رشتہ دار کے ہمراہ گذشتہ تین ہفتوں سے 500 روپے یومیہ اجرت پر کام کر رہی تھی جہاں ٹھیکیدار شہباز نے دونوں کم سن لڑکیوں کو باری باری زیادتی کا نشانہ بنا ڈالا۔ لڑکیوں کی جانب سے شکایت سامنے آنے پر ملزم فرا ر ہو گیا۔ پولیس نے متاثرہ لڑکیوں کا میڈیکل کروانے کے بعد تھانہ بلوچنی میں مقدمہ درج کرلیا ہے تاہم ملزم گرفتار نہیں کیا جا سکا ہے۔  پولیس کا کہنا ہے کہ دونوں لڑکیوں کے میڈیکل کی ابتدائی رپورٹ میں زیادتی کی تصدیق ہوئی ہے۔