ریاض : پاکستانی عمرہ زائرین کیلئے  خوشی کی خبر آگئی ، سعودی عرب نے پاکستانی عمرہ زائرین کو عمرہ ویزے جاری کرنے کی ہدایت کر دی۔ سعودی وزارت حج و عمرہ کی جانب سے جاری کردہ بیان کے مطابق پاکستانی عمرہ زائرین  کے علاوہ انڈونیشیا، مصر اور بھارت کے عمرہ زائرین کو بھی عمرہ ویزے جاری ہونگے۔ بیان میں یہ بھی  کہا گیا  ہے کہ پاکستان سمیت دیگر ممالک میں عمرہ کمپنیوں کو عمرہ ویزوں کے اجراء کی ہدایت کردی گئی ، عمرہ زائرین براہ راست فلائٹ پر سعودی عرب پہنچ سکیں گے۔ سعودی وزارت حج و عمرہ  کے مطابق کورونا وائرس سے بچاؤ کی دونوں خوراکیں لینے والے افراد قرنطینہ کی شرط سے مستثنیٰ ہونگے جبکہ سنگل ڈوز کے حامل عمرہ زائرین کو پانچ روز قرنطینہ میں رہنا ہوگا۔ خیال رہے کہ کورونا وائرس کی وبا پھیلنے کے تقریباً ڈیڑھ سال بعد سعودی عرب نے 9 اگست سے ان غیر ملکیوں کو عمرے کی اجازت دینے کا اعلان کیا تھا جنھوں نے ویکسین کی مکمل خوراکیں لگوا لی ہو ۔