زیادتی اور قتل کے مقدمے کا ملزم — بہاولپور میں مبینہ پولیس مقابلے میں مارا گیا
شائع شدہ تاریخ 01 نومبر, 2025
بہاولپور ڈسٹرکٹ پولیس ترجمان کے مطابق تھانہ صدر یزمان کے علاقے میں 10 سال کی بچی کی لاش کھیتوں سے ملی تھی۔ ابتدائی تحقیق میں بچی کے ساتھ زیادتی کے شواہد ملے۔
پولیس نے مقدمہ درج کر کے شک کی بنیاد پر پڑوسی کو حراست میں لیا ، پولیس ملزم کو آلہ قتل کی برآمدگی کے لیے لے جارہی تھی کہ ملزم کے ساتھیوں نے اسے چھڑانے کے لیے فائرنگ کر دی۔
پولیس کا دعویٰ ہے کہ ملزم اپنے ہی ساتھیوں کی فائرنگ سے ہلاک ہو ا۔
