اسلام آباد : ترکیہ میں ہولناک زلزلہ کے بعد سخت مشکلات کے باوجود امدادی کام جاری ہے، پاک آرمی کی ریسکیو ٹیم نے 138 گھنٹے بعد 14 سالہ لڑکے کو زندہ بچا لیا۔ انٹرنیشنل میڈیا بھی ترکیہ میں پاکستان آرمی کی سرچ اینڈ ریسکیو ٹیم کا معترف نکلا۔ پاک آرمی کی ریسکیو ٹیم نے ملبے میں سرچ آپریشن کے دوران 138 گھنٹے گزرنے کے بعد 14 سالہ لڑکے کو زندہ بچا لیا۔ مجموعی طور پر پاک آرمی کی ٹیموں نے ملبے تلے دبے 6 سے زاٸد افراد کو زندہ بچایا جبکہ 80 افراد کی لاشیں نکال کر ورثاء کیں۔ پاکستان آرمی کی سرچ اور ریسکیو ٹیموں نے ترک عوام کے دل جیت لئے۔ پاکستان آرمی کی ریسکیو ٹیم نے ملبے میں سرچ آپریشن کے دوران زلزلے کے 138 گھنٹے گزرنے کے بعد 14 سالہ لڑکے کو زندہ بچا لیا ہے جو پاکستان آرمی ریسکیو ٹیم کی بہت بڑی کامیابی ہے۔ پاکستان آرمی سرچ اینڈ ریسکیو ٹیم کی پیشہ ورانہ خدمات اور سرچ آپریشن میں کامیابیوں کے ضمن میں ٹی آر ٹی ورلڈ نے پاکستان آرمی کے آفیسر سے خصوصی بات چیت بھی کی۔ انٹرویو میں پاکستان آرمی آفیسر نے بتایا کہ مشکل ترین حالات کے باوجود پاکستان آرمی کی ریسکیو ٹیموں نے 14سالہ لڑکے کو بچانے کے لئے پیشہ ورانہ مہارت اور جانفشانی کا عملی نمونہ پیش کیا۔ مجموعی طور پر پاک آرمی کی یو ایس اے آر ٹیموں نے پچھلے 120 گھنٹوں کے دوران ملبے تلے دبے6 سے زاٸد افراد کو زندہ بچایا جبکہ80  افراد کی لاشیں ملبے سے نکال کر ورثاء کے حوالے کردی ہیں۔ اس کے علاوہ ملبے تلے دبے 5 زندہ افراد کی بھی نشاندہی کی گئی جنہیں لوکل ریسکیو ٹیموں نے بچا لیا۔ ملبے تلے دبے افراد کے ریسکیو کے لئے ملبہ ہٹانے کا کام جاری ہے۔