قطر: قطر کی میزبانی میں افغانستان میں قیام امن کے لئے بین الافغان مذاکرات کا دوسرادور دوحہ میں ختم ہو گیا۔فغان سیاسی گروپوں اور طالبان نمائندوں کے درمیان افغان امن عمل پر مذاکرات ناکام ہو گئے، مذاکرات میں افغانستان میں جنگ بندی پر اتفاق نہیں ہو سکا۔ غیر ملکی خبر رساں ایجنسی کے مطابق طالبان وفد کے سربراہ ملا عبدالغنی برادر نے کہا ہے کہ عدم اعتماد کے خاتمے اور قوم کے اتحاد کے لیے کوششیں کرنی چاہئیں، اپنے ذاتی مفادات کو نظر انداز کرنا ہو گا۔ مذاکرات میں فریقین نے امن کوششیں جاری رکھنے کا اعلان کیا۔مذاکرات کے بعد جاری مختصراعلامیہ میں افغانستان میں جاری لڑائی اور تشدد کے واقعات روکنے کا کوئی اعلان نہیں کیا گیا تاہم فریقین نے امن کوششیں جاری رکھنے پر اتفاق کیا۔  عبداللہ عبداللہ کی قیادت میں 7 رکنی حکومتی وفد اور طالبان کے نمائندوں کے درمیان 2 روز سے مذاکرات جاری تھے۔