بلاول گھیرے میں ، مریم نواز کی طرح منی لانڈرنگ میں ملوث نکلیں گے :شیخ رشید
شائع شدہ تاریخ 27 دسمبر, 2019
وفاقی وزیرریلوے شیخ رشید احمدنے کہاہے کہ بلاول گھیرے میں ہیں وہ بھی مریم نواز کی طرح منی لانڈرنگ میں ملوث نکلیں گے کراچی : وفاقی وزیرریلوے شیخ رشید احمدنے کہاہے کہ بلاول گھیرے میں ہیں وہ بھی مریم نواز کی طرح منی لانڈرنگ میں ملوث نکلیں گے ،ہوسکتا ہے کہ مارچ تک بھارت سرحد پر کشیدگی کرے ، ہم سب کو ہر وقت تیار رہنا چاہئے ، وزیر اعظم نے خاص طور پر کہا ہے کہ قانونی معاملات کو نہ چھیڑا جائے ،آصف زرداری چاہتے ہیں کہ بلاول کو کلین چٹ ملے ، آرمی چیف کی ایکسٹینشن پر کوئی مسئلہ نہیں ہے ، عدلیہ آزاد ہے ، پرویز مشرف کے فیصلے کو لیگل ٹیم دیکھ رہی ہے ، اداروں کے درمیان کوئی تصادم نہیں ہے ، وزیر اعظم عمران خان 5 سال پورے کریں گے ۔ جمعرات کوکراچی ایئرپورٹ پرمیڈیا سے گفتگو کرتے ہوئے شیخ رشیدنے مزید کہاکہ بلاول ہمارے شہر میں آ رہے ہیں، کارکنوں سمیت سب کو ویلکم کریں گے ۔
