امریکا اور ایران کے درمیان جنگ بندی کے خاتمے میں صرف 8 دن باقی
شائع شدہ تاریخ 15 اپریل, 2026
عالمی میڈیا نے واشنگٹن ڈی سی سے رپورٹ کیا ہے کہ صدر ڈونلڈ ٹرمپ کے حوالے سے یہ بات ذہن میں رکھنا ضروری ہے کہ ان کی ڈیڈ لائنز اکثر لچکدار ہوتی ہیں، پاکستان میں مذاکرات کے بعد مثبت پہلو یہ ہے کہ کسی بھی فریق نے یہ نہیں کہا کہ بات چیت مکمل ختم ہو چکی ہے۔
رپورٹ میں بتایا گیا ہے کہ ایرانی فریق کو اعتماد کے فقدان کا سامنا ہے کیونکہ حالیہ مہینوں میں وہ دو بار امریکیوں کے ساتھ مذاکرات میں شامل ہوئے لیکن بعد ازاں انہیں حملوں کا سامنا کرنا پڑا۔
مذاکرات سے موصول اطلاعات کے مطابق امکان موجود ہے کہ ٹرمپ ایسے معاہدے پر آمادہ ہو سکتے ہیں جس کے تحت ایران کو مخصوص مدت تک جوہری ہتھیار حاصل کرنے سے روکا جائے، ٹرمپ کو اس معاملے میں چند اہم نکات پر غور کرنا ہے۔
رپورٹ میں مزید بتایا گیا ہے کہ ایک یہ کہ وہ مشرق وسطیٰ میں طویل جنگ میں الجھنا نہیں چاہتے، دوسرا یہ کہ وہ سابق صدر اوباما کے معاہدے سے بہتر ایران جوہری ڈیل حاصل کرنے کے خواہاں ہیں۔
