پشین میں دہشتگردی کا افسوسناک واقعہ، 5 مزدور قتل
شائع شدہ تاریخ 25 اگست, 2026
بلوچستان کے ضلع پشین کے علاقے سرانان بازار میں سڑک کی تعمیر میں مصروف مزدوروں پر دہشتگردوں نے فائرنگ کی جس کے نتیجے میں 5 مزدور جاں بحق ہوئے جب کہ ایک زخمی ہوگیا۔
حکام کا کہنا ہے کہ دہشتگردوں نے واقعے کی جگہ موجود تعمیراتی مشینری کو بھی نشانا بنایا اور نقصان پہنچایا۔
دوسری جانب وزیراعلیٰ بلوچستان سرفراز بگٹی نے حملے کی شدید مذمت کرتے ہوئے کہا ہے کہ ایک بار پھر معصوم پاکستانیوں کو دہشتگردی کا نشانہ بنا کر شہید کیا گیا۔
وزیراعلیٰ نے کہا کہ محنت کش مزدور اپنے بچوں کا پیٹ پالنے اور ملک و صوبے کی تعمیر و ترقی میں اپنا کردار ادا کرنے کے لیے کام کر رہے تھے۔
