شوکت خانم ہسپتال میں ڈونرز کو میڈل آف ہوپدینے کی تقریب
شائع شدہ تاریخ 22 جنوری, 2020
شوکت خانم میموریل کینسر ہسپتال اور ریسرچ سنٹر میں ڈونرز کے اعزاز میں عشائیے کا اہتمام کیا گیا لاہور: جس میں ہسپتال کے ساتھ تعاون کرنے والے افراد اور کارپوریٹ کمپنیوں کے نمائندوں کی ایک بڑی تعداد نے شرکت کی ۔ یہ تقریب ہسپتال کے 25 سال مکمل ہونے کی خوشی میں منعقد کی گئی جس میں ان تمام لوگوں کو مدعو کیا گیا جو اس ادارے کے ساتھ تعاون کرتے آ رہے ہیں ۔ اس موقع پر ہسپتال انتظامیہ کی طرف سے معزز مہمانوں کو'میڈل آف ہوپ' بھی دیا گیا ۔ ہسپتال کے چیف ایگزیکٹو آفیسر ڈاکٹر فیصل سلطان اور چیف میڈیکل آفیسر ڈاکٹر محمد عاصم یوسف نے مہمانوں کو ہسپتال کی کارکردگی کے حوالے سے بریفنگ دی ۔ فلمسٹار ریما نے تقریب کی میزبانی کے فرائض سرانجام دئیے ، معروف گلوگار ساحر علی بگانے نے میوزیکل پرفارمنس سے تقریب میں سماں باندھ دیا۔
