گال ٹیسٹ میچ میں ہدف کا تعاقب کرتے ہوئے پاکستان نے 3 وکٹوں کے نقصان پر 248 رنز بنالیے جبکہ جیت کیلئے مزید 94 رنز درکار ہیں۔ پانچواں روز گال ٹیسٹ میچ کے آخری روز قومی ٹیم کے اوپنر عبداللہ شفیق اور محمد رضوان نے اننگز کا آغاز کیا، دونوں بلےباز بالترتیب 28 اور 115 رنز پر ناقابلِ شکست ہیں جبکہ پاکستان کو میچ جیتنے کے لیے محض 94 درکار ہیں اور 7 وکٹیں ابھی باقی ہیں۔ چوتھا روز سری لنکا نے چوتھے روز اننگز کا آغاز کیا تو محض 8 رنز کے اضافے کے بعد پربت جے سوریا کو نسیم شاہ نے بولڈ کردیا، یوں سری لنکا کی دوسری اننگز 337 رنز پر ختم ہوگئی، لنکن ٹائیگرز کی جانب سے دنیش چندیمل نے ناقابلِ شکست 94 رنز بنائے۔ پاکستان کی جانب سے اوپنر عبداللہ شفیق 105 رنز بناکر ناٹ آؤٹ ہیں جبکہ محمد رضوان 7 رنز بناکر کریز پر موجود ہیں، اوپنر امام الحق 35 رنز بناکر نمایاں رہے، اظہر علی دوسری اننگز میں بھی بڑا اسکور کرنے میں ناکام رہے محض 6 رنز بناکر پویلین لوٹے جبکہ کپتان بابراعظم نے 55 رنز اسکور کیے۔