ٹوکیو میں جاری ورلڈ ایتھلیٹس چیمپین شپ کا فائنل جاری ہے، پاکستان کے اولمپک گولڈ میڈلسٹ ارشد ندیم بھی فائنل میں ایکشن میں ہیں جہاں انہوں نے پہلی باری میں 82.73  میٹر کی تھرو کی۔

جیولن تھرو کے فائنل میں ارشد ندیم، نیرج چوپڑا سمیت 12ایتھلیٹس مدمقابل ہیں، ہر ایتھلیٹ پہلے راؤنڈ میں تین تھرو کرے گا، مجموعی طور پر ہر ایتھلیٹ کو 6 تھرو کرنی ہوں گی۔

 ارشد ندیم اور نیرج چوپڑا آج ورلڈ ایتھلیٹکس چیمپئن شپ کے فائنل راؤنڈ میں مدمقابل ہیں، ٹوکیو میں جاری چیمپئن شپ کے کوالیفائنگ راؤنڈ میں ارشد نے پچاسی اعشاریہ دو آٹھ کی تھرو کر کے فائنل راؤنڈ میں جگہ بنائی تھی۔

واضح رہے کہ بدھ کو مقابلوں میں ارشد ندیم کا آغاز اچھا نہ ہوا، انہوں نے پہلی باری میں 76.99 میٹر کی تھرو کی، ان کی دوسری تھرو بھی غیر متاثر کن رہی، وہ صرف 74.17 میٹر تھرو کرسکے تاہم تیسری باری میں بھرپور فارم میں دکھائی دیے اور85.28 میٹر کے ساتھ فائنل کیلئے کوالیفائی کیا۔

فائنل میں براہ راست کوالیفائی کرنے کیلئے کم از کم 84.50 میٹر کی تھرو درکار تھی جو ارشد نے تیسری باری میں حاصل کرلی، بھارتی تھروور نیرج چوپڑا 84.85 میٹر کی تھرو کرسکے اور ارشد ندیم سے ایک پوزیشن نیچے رہے، مجموعی طور پر 12 کھلاڑیوں نے فائنل کیلئے کوالیفائی کیا ہے۔