اسلام آباد : مخلوط حکومت نے نواز شریف اور مریم نواز کا نام بھی ای سی ایل سے خارج کر دیا۔ محسن داوڑ کا نام فہرست سے نہیں نکالا گیا۔ اس کے قبل وزیر اعظم شہباز شریف، حمزہ شہباز سمیت اہم شخصیات کے نام ایگزیٹ کنٹرول لسٹ سے نکالے گئے ۔ ذرائع کے مطابق حکومت نے ای سی ایل سے ایک سو سے زائد افراد کے نام نکال دیئے ہیں جن میں وزیرداخلہ رانا ثناء اللہ، شاہد خاقان عباسی، خواجہ سعد رفیق، خواجہ آصف، سابق صدر آصف علی زرداری اور فریال تالپور سمیت اہم شخصیات کے نام شامل ہیں۔ نیب اور ایف آئی اے کی سفارش پر جن اہم شخصیات کے نام ای سی ایل میں ڈالے گئے تھے انہیں خارج جبکہ عدالت، حساس ادارے کی سفارش پر ای سی ایل میں ڈلنے والے نام موجود رہینگے۔ مزید 3000 کے قریب نام ای سی ایل سے نکالے جائیں گے جس کے لیے وزرات داخلہ میں لسٹوں کی چھانٹی ہے۔