لاہور: شوگر ملز کے ذریعے منی لانڈرنگ کے مقدمات میں جہانگیر ترین اور علی ترین کی عبوری ضمانت میں 19 مئی تک توسیع کر دی گئی۔  منی لانڈرنگ کے مقدمے میں عبوری درخواست ضمانت کا معاملہ، سیشن کورٹ میں جہانگیر ترین اور علی ترین کی عبوری درخواست ضمانت پر سماعت ہوئی۔ جہانگیر ترین اور علی ترین نے حاضری مکمل کروائی۔ عدالت نے جہانگیر ترین اور علی ترین کی تفتیش جلد مکمل کرنے کا حکم دیتے ہوئے جہانگیر ترین اور علی ترین کی درخواست ضمانت میں 19 مئی تک توسیع کردی۔ جہانگیر خان ترین کی عدالتی پیشی کے موقع پر ارکان قومی و صوبائی اسمبلی اور وزراء ماڈل ٹاون میں رہائش گاہ پر مشاورت کرتے رہے جس میں رکن قومی اسمبلی راجہ ریاض احمد ، مبین عالم انور ، خواجہ شیراز ، غلام لالی اور سمیع گیلانی سمیت دیگر شریک ہوئے ۔