کوئی شخص چینی،گھی،آٹے کے 100تھیلوں سے زائد ذخیرہ نہیں کر سکتا،دکاندار، ڈیلر مستثنیٰ عام آدمی کو صحت و صفائی کی بنیادی سہولیات فراہم کرنا ہماری ذمہ داری ہے ، ڈپٹی کمشنر مظفرگڑھ: ڈپٹی کمشنر انجینئر امجد شعیب خان ترین نے حکومت پنجاب کی ہدایت پر ضلع کی ریونیو حدود میں اشیاء خوردو نوش کے ذخیرہ کرنے پر پابندی عائد کر دی ہے ، کوئی شخص چینی کے 50کلو والے تھیلوں یا اس کے برابر، تمام اقسام کے گھی اور کوکنگ آئل کے 5کلو والے کارٹن یا اس کے برابر، آٹے کے 20کلو والے 100تھیلوں یا اس کے برابر، تمام اقسام کی دالوں کے 50کلو والے 100تھیلوں یا اس کے برابر، تمام اقسام کے چنے کے 20والے 100تھیلوں یا اس کے برابر اور تمام اقسام کے چاول 20کلو والے 100تھیلوں سے زائد ذخیرہ نہیں کرسکتا تاہم اس پابندی سے دکاندار، ڈیلر اور ٹریڈرز مستثنٰی ہیں، انہوں نے پرائس کنٹرول مجسٹریٹس کو ہدایت کی ہے کہ خلاف ورزی کرنے والوں کے خلاف سخت کارروائی عمل میں لائی جائے ، نوٹیفکیشن کے مطابق دکاندار، ڈیلرز اور ٹریڈرز اپنے گوداموں پرا پنی دکان کا نام اور پتہ ضرور درج کریں۔ ڈپٹی کمشنر انجینئر امجد شعیب خان ترین نے کہا ہے کہ عام آدمی کو صحت و صفائی کی بنیادی سہولیات فراہم کرنا ہماری ذمہ داری ہے ، شہر او رمضافات کے علاقوں کے مکینوں کو سیوریج کے مسائل کا سامنا ہے جس کو مرحلہ وار درست کیا جارہا ہے ۔