شہبازشریف خاندان کے خلاف منی لانڈرنگ کے مقدمے میں عبوری ضمانتوں میں توسیع پرعدالت نے تحریری فیصلہ جاری کرتے ہوئے کہا ہے کہ ایف آئی اے نے تاحال تفتیش مکمل نہیں کی اور بنکرز کا رول واضح نہیں کیا۔ بنکنگ کورٹ نے شہبازشریف اورحمزہ شہباز کی عبوری ضمانتوں میں توسیع کا تحریری فیصلہ جاری کردیا ہے۔ تحریری فیصلے میں کہا گیا ہے کہ ایف آئی اے نے تاحال تفتیش مکمل نہیں کی اور بنکرز کا رول واضح نہیں کیا۔ یہ بھی کہا گیا ہے کہ اسسٹنٹ ڈائریکٹرایف آئی اے نے تسلیم کیا کہ بنکرز کے کردارکےحوالے سے تفتیش نامکمل ہے اور بنکرز کا رولزواضح ہونا ہے۔  جب تک بنکرزکا کردار واضح نہیں ہوتا،اس وقت تک عدالتی دائرہ اختیار پر بحث مکمل نہیں ہوسکتی۔ تحریری فیصلے میں درج ہے کہ ایف آئی اے نے رپورٹ مکمل کرنے کےلیے 10 روز کی مہلت مانگی ہے اور ایف آئی اے آئندہ سماعت پر ہر صورت تفتیش مکمل کرے۔ عدالت نے شہبازشریف اورحمزہ شہباز کی عبوری ضمانتوں میں 14جنوری 2022 تک توسیع کردی ہے۔