دبئی: آئی سی سی نے ٹیسٹ پلئیر کی نئی رینکنگ جاری کردی، کپتان قومی کرکٹ ٹیم بابر اعظم ایک درجہ تنزلی کے بعد 9 ویں نمبر پر پہنچ گئے۔ تفصیلات کے مطابق قومی فاسٹ باولر شاہین آفریدی کی بھی ایک درجہ تنزلی، شاہین آفریدی چوتھے سے پانچویں نمبر پر چلے گئے۔ آسٹریلیا کے مارنس لبوشین کی ٹیسٹ رینکنگ میں پہلی پوزیشن برقرار ہے، انگلینڈ کے جوئے روٹ دوسرے اور نیوزی لینڈ کے کین ویلم سن کی تیسری پوزیشن پر ہیں۔ بولنگ رینکنگ میں آسٹریلیا کے کپتان پیٹ کمنز کی پہلی پوزیشن برقرار ہے، جبکہ بھارت کے روی چندرن اشون دوسرے اور جنوبی افریقہ کے کاگیسو راباڈا تیسرے نمبر پر آگئے ہیں۔ https://twitter.com/ICC/status/1483714718456238083?ref_src=twsrc%5Etfw%7Ctwcamp%5Etweetembed%7Ctwterm%5E1483714718456238083%7Ctwgr%5E%7Ctwcon%5Es1_&ref_url=https%3A%2F%2Fgnnhd.tv%2Furdu%2Fnews%2F11048