امریکا نے دوبارہ جارحیت شروع کی تو مزید حیرت انگیز ردعمل دیا جائے گا، عباس عراقچی
شائع شدہ تاریخ 20 مئی, 2026
سوشل میڈیا پر بیان میں ایرانی وزیر خارجہ نے کہا کہ ایران کے خلاف جنگ چھیڑنے کے مہینوں بعد امریکی کانگریس نے اعتراف کرلیا ہے کہ لڑائی میں اربوں ڈالر مالیت کے کئی درجنوں لڑاکا طیارے تباہ ہوئے، یہ بھی تصدیق کردی گئی کہ ایرانی فوج سب سے پہلے قوت ہے جس نے امریکا کا اہم ترین ایف تھرٹی فائیو طیارہ بھی مار گرایا تھا۔
امریکی سینٹرل کمانڈ کے دعویٰ پر کہ ایران میں نشانہ بنایا گیا میناب اسکول پاسداران انقلاب کے میزائل لانچنگ سائٹ کے قریب تھا، ایرانی وزارت خارجہ کے ترجمان اسماعیل بقائی نے کہا کہ یہ بےبنیاد اور من گھڑت دعویٰ اور خوفناک جھوٹ ہے۔
انہوں نے کہا کہ اس حقیقت کو جھٹلایا نہیں جاسکتا کہ شہری علاقے میں واقع اور پڑھائی کے اوقات میں اسکول پر امریکی حملے میں طلبہ اور اساتذہ سمیت ایک سو ستر افراد شہید ہوئے تھے، اس حملےکےذمہ داروں کو عالمی قانون کے تحت انصاف کے کٹہرے میں لایا جائے۔
