آرمی چیف جنرل قمرجاوید باجوہ نے کہا ہے کہ پاکستان کا افغانستان میں کوئی فریق پسندیدہ نہیں، افغانستان ‏میں پائیدارامن واستحکام اورترقی بنیادی مقصدہیں۔ آئی ایس پی آر کے مطابق آرمی چیف جنرل قمرجاویدباجوہ سے امریکی ناظم الامور نے جی ایچ کیو میں ملاقات ‏کی جس میں باہمی دلچسپی، علاقائی سیکیورٹی اور افغانستان کی صورتحال پرتبادلہ خیال کیا گیا۔ آرمی چیف نے کابل ایئرپورٹ پردہشت گردحملےکی مذمت کرتے ہوئے قیمتی جانوں کےضیاع پرگہرےرنج وغم کا ‏اظہار کیا۔ آرمی چیف نے دہشت گردی اور انتہاپسندی کے مکمل خاتمےکےعزم کا اعادہ کیا، انہوں نے کہا کہ پاکستان کا ‏افغانستان میں کوئی فریق پسندیدہ نہیں، افغانستان میں پائیدارامن واستحکام اورترقی بنیادی مقصدہیں۔ امریکی ناظم الامور نےخطے میں امن واستحکام کیلئےپاکستان کی کوششوں کو سراہا۔ امریکی سفارتکار نےکابل ‏سے انخلا آپریشن کیلئے تعاون پر آرمی چیف کا شکریہ اداکیا۔