آوَٹ کم بیسڈایجوکیشن سمیت بی ایس آنرز روڈمیپ اورنئے کورسز کی منظوری لاہور: یونیورسٹی آف سنٹرل پنجاب کی فیکلٹی آف میڈیا اینڈ کمیونی کیشن سٹڈیز کے پانچویں بورڈ آف فیکلٹی کا جلاس ڈین پروفیسر ڈاکٹر تیمور الحسن کی زیر صدارت ہوا۔اجلاس میں پروفیسر ڈاکٹر شفیق جالندھری، ڈاکٹر غلام شبیر بلوچ ، ڈاکٹر نور حیات ،فیکلٹی آف آئی ٹی کے ایسوسی ایٹ ڈین ڈاکٹرامجدا قبال،فیکلٹی آف مینجمنٹ سٹڈیزکے ڈاکٹرمحسن الطاف،ڈپٹی رجسٹرار یوسی پی تابش رحمان سمیت بورڈ آف فیکلٹی کے ایکسٹرنل ممبران اور دنیا میڈیا گروپ کے فاروق نذیر ہارون ، ڈاکٹر محمد خالد،کریکولم ریویو کمیٹی کے ارکان تابینہ سرہندی، فہد انیس اور کوآرڈینیٹروقار سیال نے شرکت کی۔اجلاس کوفیکلٹی آف میڈیا کے آؤٹ کم بیسڈایجوکیشن سسٹم کے بارے میں بریفنگ دی گئی جسے ایکسٹرنل ممبران نے خوب سراہا۔ اجلاس میں آؤٹ کم بیسڈایجوکیشن سمیت بی ایس آنرز روڈمیپ اورنئے کورسز کی بھی منظوری دی گئی۔بورڈ کے ارکان نے پی ایچ ڈی پرگرام ،سالانہ ترقیاتی ر پورٹ اوربین الاقوامی تعلیمی اداروں سے مفاہمت سمیت اہم اقدامات پرڈین ڈاکٹر تیمور الحسن اورانکی ٹیم کی کاوشوں کو خراج تحسین پیش کیا۔