لاہور: نومنتخب وزیراعلی پنجاب حمزہ شہباز کی تقریب حلف برداری گورنر ہاؤس میں شروع ہوگئی ہے۔ حمزہ شہباز اور نائب صدرمسلم لیگ ن مریم نواز ایک ہی گاڑی میں گورنر ہاؤس پہنچ گئے ہیں۔ لاہور ہائیکورٹ کے حکم پر اسپیکر قومی اسمبلی راجہ پرویز اشرف وزیراعلیٰ پنجاب سے حلف لیں گے۔ ضلعی انتظامیہ کی تقریب حلف برداری کی تقریب کی تیاریاں جاری ہیں۔ گورنر ہاؤس کے گراؤنڈ میں حلف برداری کی تقریب کے لیے پنڈال سجایا دیا گیا جس میں ارکان قومی و صوبائی اسمبلی سمیت 700 مہمانوں کو مدعو کیا گیا ہے۔ گورنر ہاؤس میں دو مرتبہ پہلے بھی حلف برداری کے لیے پنڈال سجایا گیا تھا لیکن حلف برداری نہ ہوسکی۔ حمزہ شہبازشریف کے فیملی ممبرز بھی تقریب میں شرکت کریں گی۔ 197 ایم پی ایز اور ارکان قومی اسمبلی کو تقریب حلف برداری میں مدعو کیا گیا ہے۔