الیکشن کمیشن نے کراچی کی تمام 235 یوسیز کے غیر حتمی غیر سرکاری نتائج جاری کردیے۔ اتوار (15 جنوری ) کو کراچی کی 246 میں سے 235 یوسیز پر بلدیاتی انتخابات ہوئے جبکہ 11 یوسیز پر مختلف وجوہات کی بنا پر الیکشن نہیں ہوئے۔ کراچی کے غیر حتمی نتائج کراچی میں 235 یوسیز کے غیرحتمی غیرسرکاری نتائج کے مطابق پیپلز پارٹی 93 نشستوں پر کامیاب قرار پائی ہے جبکہ جماعت اسلامی 86 نشستوں کے ساتھ دوسرے نمبر پر آگئی ہے۔ غیر حتمی غیر سرکاری نتائج کے مطابق 40 یوسیز میں پی ٹی آئی کے امیدوار کامیاب قرار پائے ہیں۔ اس کےعلاوہ ن لیگ 7 ، جے یو آئی 3، ٹی ایل پی 2، ایم کیوایم حقیقی ایک جبکہ 3 یوسیز پر آزاد امیدوارکامیاب ہوئے ہیں۔