جسٹس مامون رشید شیخ کی پنجاب یونیورسٹی لا کالج کے طلبا سے ملاقات کے دوران گفتگو لاہور: چیف جسٹس لاہور ہائی کورٹ مامون رشید شیخ سے پنجاب یونیورسٹی لا کالج کے طلبا نے ہائی کورٹ میں ملاقات کی،طلباکو ہائی کورٹ کے مختلف حصوں کا دورہ بھی کرایا گیا۔اس موقع پر قانون دان ظفر اقبال کلانوری بھی طلباکے ہمراہ تھے ۔طلبا سے گفتگو کرتے ہوئے چیف جسٹس مامون رشید شیخ نے کہا قانون کا علم بہت وسیع ہے ، صرف لا کی ڈگری لینا ہی سب کچھ نہیں ہوتا، قانون پر مکمل دسترس بہت ضروری ہے ،پروفیشنلزم کے فروغ کیلئے شعبہ قانون کے طلبا پر بھاری ذمہ داری عائد ہوتی ہے ، بدقسمتی ہے قوانین پر مکمل عبور اور علم نہ ہونے کی وجہ سے سول ججز اور ایڈیشنل سیشن ججز کے امتحانات میں بہت کم امیدوار کامیاب ہوپاتے ہیں، سول جج بننا ہو یا ہائی کورٹ کا جج، سخت محنت اور قانون پر مکمل دسترس ضروری ہے ۔