اسلام آباد:  پی ٹی اے نے آئوٹ گوئنگ کال صفر اعشاریہ 70 پیسے سے کم کرکے صفراعشاریہ 50 پیسے فی منٹ کر دی۔ تفصیلات کے مطابق پاکستان ٹیلی کمیونیکیشن  اتھارٹی (پی ٹی آئی) ایم ٹی آر میں کمی ٹیلی کام انڈسٹری کے ساتھ مکمل مشاورت کے بعد کی گئی ہے۔ یکم جنوری 2022 سے موبائل ٹرمینیشن ریٹ 0.70 روپے فی منٹ سے کم کر کے 0.50 روپے فی منٹ کر دیا ہے، ایم ٹی آر میں کمی سے صارفین مفت منٹ آف نیٹ بنڈلز جیسی مزید مسابقتی اور جدید پیشکشوں سے فائدہ اٹھا سکیں گے۔ پی ٹی اے کا کہنا ہے کہ  نیٹ کالوں کے کم نرخوں کے ذریعے مارکیٹ کے لئے بھی فائدہ مند ثابت ہو گا، چھوٹے آپریٹرز کوبڑے آپریٹرز کو کی جانے والی ادائیگیوں میں بھی  فائدہ ہوگا، جولائی 2021 میں مشاورتی مقالہ جاری کیا تھا،مقالے میں پتہ چلا پاکستان میں موجودہ ایم ٹی آر خطے میں رائج ایم ٹی آرز کے بینچ مارکنگ نتائج سے زیادہ ہے، ٹیلی کام آپریٹرزکی طرف سے موجودہ ٹرمینیشن ریٹس پر نظرثانی کی درخواستیں موصول ہوئیں تھیں، مقامی،طویل اور بین الاقوامی کالز کے لیے ایم ٹی آر کا تعین کیا گیا۔ پی ٹی اے کے مطابق  جنوری سے جون 2022 تک ایم ٹی آر 0.50  روپے فی منٹ ہوں گے، جولائی 2022 سے جون 2023 تک ایم ٹی آر 0.40 روپے فی منٹ ہونگے، جولائی 2023 کے بعد ایم ٹی آر 0.30  روپے فی منٹ ہوں گے۔