پیٹرولیم مصنوعات کی قیمتوں میں ایک ہفتے میں دوسری بار اضافے پر چیئرمین پی ٹی آئی عمران خان نے عوام سے جمعہ کی نماز کے بعد پرامن احتجاج کی اپیل کردی۔ ان کا کہنا ہے کہ حکومت کی عوام دشمن پالیسیوں کیخلاف باہر نکلیں۔ حکومت نے ایک ہفتے میں پیٹرولیم مصنوعات کی قیمتوں میں مجموعی طور پر 60 روپے فی لیٹر اضافہ کردیا۔ پیٹرولیم مصنوعات کی قیمتوں میں اضافے پر چیئرمین پاکستان تحریک انصاف عمران خان کا بھی ردعمل سامنے آگیا۔ انہوں نے کہا کہ پیٹرولیم قیمتوں میں اضافے سے 900 ارب کا اضافی بوجھ عوام پر پڑے گا، اس اضافے سے بنیادی اشیائے ضروریہ کی قیمتیں بھی بڑھیں گی۔ https://twitter.com/ImranKhanPTI/status/1532431007504289803?ref_src=twsrc%5Etfw%7Ctwcamp%5Etweetembed%7Ctwterm%5E1532431007504289803%7Ctwgr%5E%7Ctwcon%5Es1_&ref_url=https%3A%2F%2Fwww.samaa.tv%2Fnews%2F40001013 ان کا کہنا ہے کہ پیٹرولیم مصنوعات کی قیمتوں میں اضافے سے اب 75 سالہ تاریخ میں مہنگائی 30 فیصد تک بڑھنے کی توقع ہے۔ عمران خان نے پیٹرولیم مصنوعات کی قیمتوں میں ظالمانہ اضافے پر کل نماز جمعہ کے بعد عوام سے پُرامن احتجاج کی اپیل کردی۔ ٹوئٹر پیغام میں کہا کہ حکومت کی عوام دشمن پالیسیز کیخلاف عوام باہر نکلیں، کیونکہ ان کا اس ملک سے کچھ بھی مفاد وابستہ نہیں اور تمام اثاثے ملک سے باہر ہیں۔ ان کا مزید کہنا ہے کہ ہماری حکومت نے کروناء وباء کا دباؤ برداشت کیا اور 1200 ارب کا معاشی پیکیج دیا، اپنے لوگوں کو بچانے کیلئے ہم نے رواں سال سیلز ٹیکس صفر کرتے ہوئے 466 ارب روپے توانائی پر سبسڈی کیلئے مہیا کئے، ہمارے لئے تو ترجیحِ اوّل ہمیشہ ہمارے عوام ہی ہیں۔