راولپنڈی: پاکستان نے جنوبی افریقہ کے خلاف دوسرے ٹیسٹ میچ میں ٹاس جیت کر بیٹنگ کا فیصلہ کیا ہے۔ پاکستان اور جنوبی افریقہ کے درمیان آج دوسرا ٹیسٹ میچ کھیلا جا رہا ہے۔ پاکستان کرکٹ ٹیم کے کپتان بابر اعظم نے کہا کہ پاکستانی ٹیم میں کوئی تبدیلی نہیں کی گئی ہے اور کوشش کریں گے کے اچھا آغاز کریں۔ پاکستان کو دو میچوں پر مشتمل ٹیسٹ سیریز میں ایک صفر کی برتری حاصل ہے۔ پہلے ٹیسٹ میچ میں پاکستان نے جنوبی افریقہ کو سات وکٹوں سے شکست دی تھی۔ دوسری اننگز میں مہمان ٹیم 245 رنز بنا کر آؤٹ ہوگئی تھی اور پاکستان کو جیت کے لیے 88رنز کا ہدف دیا تھا۔ جنوبی افریقہ کی ٹیم نے ٹیسٹ کے چوتھے روز ایک سو ستاسی رنز سے دوسری اننگز آگے بڑھائی تھی اور اس کے چار کھلاڑی آؤٹ ہوئے تھے۔ مجوعی اسکور میں بنا کوئی اضافے کے حسن علی نے کشوومہاراج کو پویلین بھیج دیا۔ ایک سو بیانوے کے مجموعی اسکور پر یاسر شاہ نے پروٹیز کپتان کونٹم ڈی کوک کو آؤٹ کر دیا۔