راولپنڈی: پاکستان نے بیلسٹک میزائل غزنوی کا کامیاب تجربہ کر لیا۔ڈی جی آئی ایس پی آر نے سماجی رابطے کی ویب سائٹ ٹویٹر پر ٹویٹ کرتے ہوئے کہا ہے کہ پاکستان نے بیلسٹک میزائل غزنونی کا کامیاب تجربہ کر لیا۔ غزنوی میزائل کا رات کے وقت کامیاب تجربہ کیا گیا۔۔غزنوی میزائل 290کلومیٹر تک مختلف نوعیت کے وار ہیڈ لے جانے کی صلاحیت رکھتا ہے۔وزیراعظم اور صدرِ مملکت نے ٹیم کی کامیابی کو سراہا اور قوم کو مبارکباد دی۔ واضح رہے گذشتہ رات پاکستان نے تباہ کن کروز میزائل کا تجربہ کرکے بھارت کے ہوش اڑا دیے، عسکری ذرائع کے مطابق پاکستان نیوی کی جانب سے سمندری حدود میں اینٹی شپ حربہ نیول کروز میزائل کا تجربہ کیا گیا جو سطح سے سطح تک مار کرنے کی صلاحیت رکھتا ہے۔ Pakistan successfully carried out night training launch of surface to surface ballistic missile Ghaznavi, capable of delivering multiple types of warheads upto 290 KMs. CJCSC & Services Chiefs congrat team. President & PM conveyed appreciation to team & congrats to the nation. pic.twitter.com/hmoUKRPWev— DG ISPR (@OfficialDGISPR) August 29, 2019 عسکری ذرائع کی جانب سے بتایا گیا تھا کہ پاک فضائیہ اور بری فوج کی طرح پاکستان کی بحریہ بھی بھارت کے کس بھی مس ایڈونچر کا منہ توڑ جواب دینے کیلئے ہر وقت تیار ہے۔ پاکستان نیوی پاکستان کی سمندری حدود میں مسلسل متحرک ہے اور دشمن پر کڑی نظر رکھے ہوئے ہے۔ جبکہ دشمن کو پیغام بھی بھیجا گیا ہے کہ پاکستان کسی بھی قسم کی جارحیت کا منہ توڑ جواب دینے کیلئے مکمل طور پر تیار ہے۔اس سلسلے میں پاکستان نیوی نے گزشتہ دنوں سمندری حدود میں جدید کروز میزائل کا تجربہ کیا ہے۔پاکستان نیوی کی جانب سے سمندری حدود میں اینٹی شپ حربہ نیول کروز میزائل کا تجربہ کیا گیا۔ حربہ نیول کروز میزائل سطح سے سطح تک مار کرنے کی صلاحیت رکھتا ہے۔ حربہ نیول کروز میزائل کا تجربہ پی این ایس عظمت سے کیا گیا۔ واضح رہے کہپاکستان اور بھارت مقبوضہ کشمیر کی خود مختار حیثیت ختم کر دیے جانے کے بعد جنگ کے دہانے پر پہنچ چکے ہیں۔بھارت کی جانب سے پاکستان کو ایٹمی جنگ کی دھمکیاں دی جا رہی ہیں، جبکہ سرحدوں پر فوج اور اسلحے کی تعداد میں اضافہ کرکے اشتعال انگیزی میں بھی اضافہ کر دیا گیا ہے۔ اس صورتحال میں پاک فوجبھی مکمل طور پر الرٹ ہے اور بھارت کے کسی بھی مس ایڈونچر کا منہ توڑ جواب دینے کی تیاری کیے بیٹھی ہے۔