اپوزیشن لیڈر قومی اسمبلی شہباز شریف کی مشکلات میں مزید اضافہ ہوگیا ۔ نیب کا ایل ڈ بلیو ایم سی اور آمدن سے زائد اثاثےکیس میں بڑا اقدام۔انویسٹی گیشن ٹیم نے آج شہباز شریف کے گھر جانے کا فیصلہ کرلیا اور تحقیقا ت کے لئے سوالنامہ بھی تیار کرلیا ۔ ذرائع کے مطابق شہباز شریف کو نیب ٹیم کی آمد سے متعلق آگاہ کر دیا گیا ہے ۔ نیب نے شہباز شریف کو معتد بار طلب کیا ،خرابی صحت کے باعث پیش نہ ہوئے۔ نیب ذرائع کے مطابق شہبازشریف بتائیں محکمہ خزانہ اور قانون کی مخالفت کے باوجود کمپنی بنانے کی منظوری کیوں دی، سالڈ ویسٹ مینجمنٹ کا پی ایم یو فعال ہونے کے باوجود کمپنی کیوں بنائی، صفائی کمپنی بنانے سے قبل اس کے منافع کی تحقیق کروائی گئی تھی، کمپنی کے استحکام اور اس کے کم خرچ ہونے کی تحقیق کرائی گئی تھی یا نہیں۔ نیب سوالنامنے کے مطابق کیا یہ بات درست ہے کہ کمپنی آئی سٹیک کو قانونی طریقہ استعمال کئے بغیر ٹھیکہ دیا گیا، غیر ملکی کمپنیوں کو 320 ملین ڈالر کا ٹھیکہ آؤٹ سورس کرنے کا اختیار کس نے دیا تھا، صفائی کمپنی کو بغیر کسی جامع منصوبے کے بغیر بڑی تعداد میں قرضہ اور امداد دینے کا فیصلہ کیوں دیا گیا، ایل ڈبلیو ایم سی کی جانب سے قرض واپس کرنے اور سرمایہ پیدا کرنے کے منصوبے کو کیوں مسترد کیا گیا، جو غیر قانونی اقدامات اٹھائے گئے اس سے پنجاب حکومت کو اربوں روپے کا نقصان پہنچا، بیرون ملک سے شہباز شریف اکاونٹ میں مشتبہ ٹرانزیکشن کے شواہد بھی ملے ہیں اس رقوم کے ذرائع کیا ہیں؟۔