راولپنڈی: نور مقدم قتل کیس میں عدالت نے تھراپی ورکس کے مالک ظاہر ظہور سمیت چھ ملزمان کی ضمانتیں منظور کرلیں۔ نجی ٹی وی کے مطابق ایڈیشنل سیشن جج عطا ربانی نے تھراپی ورکس کے مالک ڈاکٹر ظاہر ظہور سمیت چھ ملزمان کی ضمانتوں کی درخواستوں پر محفوظ فیصلہ سناتے ہوئے ضمانتیں منظور کرلیں۔ عدالت نے ملزمان کو پانچ پانچ لاکھ روپے کے مچلکے جمع کرانے کا حکم دیا ہے۔ خیال رہے کہ سابق سفیر شوکت مقدم کی صاحبزادی نور مقدم کو ظاہر جعفر نامی ملزم نے 20 جولائی کو قتل کردیا تھا۔