لایور : ملک کے مختلف شہروں میں زلزلے کے شدید جھٹکے محسوس کیے گئے ہیں ۔  تفصیلات کے مطابق اسلام آباد، راولپنڈی سمیت  پنجاب اور خیبرپختونخوا  کے مختلف شہروں میں زلزلے کے جھٹکے محسوس کئے گئے ہیں ۔  زلزلے کی شدت 6.1 تھی اور اس کا مرکز افغانستان کے صوبے خوست سے 44 کلومیٹر جنوب مغرب میں تھا۔ رپورٹس کے مطابق ملتان، بھکر،مانوالی ،  پھالیہ، کمالیہ میں بھی زلزلے کے جھٹکے محسوس کئے گئے ہیں۔ پشاور، کوہاٹ، کرک ، چترال ، شبقدر، مہمند، مالاکنڈ، سوات، بونیر، ٹانک  اور شمالی وزیرستان میں بھی زلزلے کے جھٹکے محسوس کئے گئے۔  زلزلے کے بعد شہری خوف زدہ ہوکر کلمہ طیبہ کا ورد کرتے ہوئے گھروں سے باہر نکلے۔ زلزلے کا مرکز پاکستان اور افغانستان کی سرحد اور گہرائی 50.8 کلو میٹر تھی، پاکستان کے علاوہ افغانستان اور تاجکستان میں بھی زلزلے کے جھٹکے محسوس کئے گئے۔