اسلام آباد: پاکستان  میں کورونا کی پانچویں لہر شدت اختیار کرگئی ،  ملک میں گزشتہ 24 گھنٹوں کے دوران   مزید 15 افراد انتقال کرگئے جبکہ 5ہزار 196افراد متاثر ہوئے ہیں ۔  تفصیلات کے مطابق نیشنل کمانڈ اینڈ آپریشن سینٹر کی جانب سے جاری کیے گئے تازہ اعداد و شمارکے مطابق  پاکستان  میں کورونا سے اموات کی مجموعی تعداد 29 ہزار137 تک پہنچ گئی ہے ۔ ملک میں ایک روز کے دوران کورونا وائرس کے مزید 5ہزار سے زائد کیسز سامنے آئے ہیں،  وائرس کے کُل مریضوں کی تعداد 13 لاکھ 86 ہزار 348ہو چکی ہے۔ ملک میں مثبت کیسز کی شرح 10 اعشاریہ 17فیصد تک  پہنچ گئی  ، جبکہ  کوروناکے1293مریضوں کی حالت تشویشناک ہے ۔    گزشتہ 24 گھنٹوں میں ملک میں کورونا وائرس کے مزید 51 ہزار 063ٹیسٹ کیے گئے۔ https://twitter.com/OfficialNcoc/status/1486144490876424195?ref_src=twsrc%5Etfw%7Ctwcamp%5Etweetembed%7Ctwterm%5E1486144490876424195%7Ctwgr%5E%7Ctwcon%5Es1_&ref_url=https%3A%2F%2Fgnnhd.tv%2Furdu%2Fnews%2F11299  واضح رہے کہ پاکستان میں کورونا وائرس کا پہلا کیس 26 فروری 2020 کو ملک کے سب سے بڑے شہر کراچی میں سامنے آیا تھا۔