اسلام آباد: پاکستان میں کورونا کی پانچویں لہر زور پکڑنے لگی ، ملک  میں گزشتہ 24 گھنٹوں کے دوران3 ہزار 567 کیسز رپورٹ ہوئے   ہیں ۔  تفصیلات کے مطابق ملک میں کورونا وائرس کے یومیہ کیسزاور اموات میں ایک مرتبہ پھر اضافہ دیکھنے میں آرہا ہے اور نیشنل کمانڈ اینڈ آپریشن سینٹر کی جانب سے جاری کیے گئے تازہ اعداد و شمارکے مطابق  پاکستان  میں گزشتہ 24 گھنٹوں کے دوران 7 مریض انتقال کرگئے  جس کے بعد اموات کی مجموعی تعداد 28ہزار 999ہوگئی ہے ۔ ملک میں  کورونا کیسز کی مجموعی تعداد 13 لاکھ 15ہزار 834 ہو گئی  ہے ۔ ملک میں گزشتہ 24 گھنٹوں کے دوران کورونا کے مثبت کیسز کی  7.36فیصدر رہی ۔ ملک بھر میں  چوبیس گھنٹے کے دوران48 ہزار 449 ٹیسٹ کئے گئے ہیں ۔ پاکستان میں کوروناکے 675 مریضوں کی حالت تشویشناک ہے ۔ https://twitter.com/OfficialNcoc/status/1481787694560727042?ref_src=twsrc%5Etfw%7Ctwcamp%5Etweetembed%7Ctwterm%5E1481787694560727042%7Ctwgr%5E%7Ctwcon%5Es1_&ref_url=https%3A%2F%2Fgnnhd.tv%2Furdu%2Fnews%2F10859 واضح رہے کہ پاکستان میں کورونا وائرس کا پہلا کیس 26 فروری 2020 کو ملک کے سب سے بڑے شہر کراچی میں سامنے آیا تھا۔