گوشت گھر سے برآمد ہوا، تلف ،ملزم کے خلاف مقدمہ درج،پولیس کارروائی شروع مظفرگڑھ‘کوڈ ادو:محکمہ لائیو سٹاک کی کارروائی ،محلہ قائم والہ میں گھر پر چھاپہ مار کر 6من مضر صحت گوشت کو قبضہ میں لے کر تلف کردیا، تفصیلات کے مطابق پنجاب فوڈ اتھارٹی کی رپورٹ پر ایڈیشنل ڈائریکٹر لائیو سٹاک ڈاکٹر طارق نے سپرنٹنڈنٹ سلاٹر ہاؤس مظفرگڑھ ڈاکٹر عدنان کو ہدایت کی کہ وہ فوری طورپر کارروائی کریں جس پرڈاکٹر عدنان نے پنجاب فوڈ اتھارٹی کے عملہ اور پولیس کے ہمراہ محلہ قائم والہ میں ایک گھر پر چھاپہ مارا جہاں 6من مضر صحت گوشت کو برف میں سٹور کیا گیا تھا، محکمہ لائیو سٹاک کے عملہ نے فوری کارروائی کرتے ہوئے گوشت کو قبضہ میں لے کر فوری تلف کردیا اور ملزم شیخ وقاص احمد ولد ظہور احمد کے خلاف تھانہ سٹی میں ایف آئی آر در ج کرادی گئی، ملزم کے دکان قنوان چوک کے نزدیک مین بازار میں ہے ۔