لاہورہائیکورٹ نے راوی اربن پراجیکٹ کالعدم قراردے دیا۔ لاہورہائیکورٹ نے راوی اربن ڈیولپمنٹ پراجیکٹ کے خلاف درخواستوں پرفیصلہ سناتے ہوئے پراجیکٹ کے خلاف درخواستیں منظور کر لیں ۔ عدالت نے کہا ہے کہ روڈا کا ترمیمی آرڈیننس آئین سے متصادم اور غیر قانونی ہے، ترمیمی آرڈیننس کی دفعہ 4 آئین کے آرٹیکل 144 اے سے متصادم ہے۔ لاہور ہائیکورٹ نے اپنے فیصلے میں مزید کہا ہے کہ منصوبے کا ماسٹر پلان بنیادی دستاویز ہے، قانون کے تحت تمام اسکیمیں ماسٹر پلان کے ماتحت ہوتی ہیں،زرعی اراضی اس وقت لی جا سکتی ہے جب باقاعدہ ایک لیگل فریم ورک موجود ہو۔