لاہور : چیئرمین تحریک انصاف عمران خان نے لانگ مارچ منگل کے بجائے بدھ سے شروع کرنے کا اعلان کردیا۔ تفصیلات کے مطابق تحریک انصاف کے لانگ مارچ کی تاریخ تبدیل کردی گئی ، چیئرمین پی ٹی آئی نے اپنے بیان میں کہا کہ لانگ مارچ منگل کے بجائے اب بدھ سےشروع ہو گا۔ عمران خان کا کہنا تھا کہ شاہ محمود قریشی وزیرآباد سے لانگ مارچ کی قیادت کریں گے جبکہ اسد عمر فیصل آباد سے قافلے کی قیادت کریں گے۔ چیئرمین پی ٹی آئی نے کہا فیصل آباد سےمارچ جھنگ سرگودھا میانوالی اورلیہ سے ہوتا ہوا اسلام آبادپہنچے گا۔ اس حوالے سے تحریک انصاف کے رہنما فوادچوہدری نے سماجی رابطے کی ویب سائٹ ٹوئٹر پر اپنے بیان میں کہا کہ وزیر آباد سےلانگ مارچ اب کل کے بجائے پرسوں دوپہر 2 بجے سے شروع ہو گا۔ https://twitter.com/fawadchaudhry/status/1589570758199894016?ref_src=twsrc%5Etfw%7Ctwcamp%5Etweetembed%7Ctwterm%5E1589570758199894016%7Ctwgr%5Ed27711c20be5ce48cd71ea678c80de299e7928ab%7Ctwcon%5Es1_&ref_url=https%3A%2F%2Furdu.arynews.tv%2Fimran-khan-changed-date-of-long-march%2F