اسلام آباد :عالمی وبا کورونا وائرس کی  پانچویں  لہر کے دوران پاکستان میں  گزشتہ 24 گھنٹوں میں  مزید 49 مریض انتقال کرگئے، جبکہ گزشتہ 24 گھنٹوں میں  2 ہزار465 کیسز  رپورٹ ہوئے ہیں ۔ تفصیلات کے مطابق ملک میں کورونا کے وار جاری ہیں ، نیشنل کمانڈ اینڈ آپریشن سینٹر (این سی او سی) کے مطابق ملک  بھر میں اب تک 29 ہزار 877 کورونا وائرس کے مریض انتقال کر چکے ہیں جبکہ اس  سے متاثرہ افراد کی تعداد 14 لاکھ91 ہزار 423 ہو چکی ہے۔ ملک میں کورونا فعال کیسز کی تعداد 73 ہزار 029  رہی۔  ملک میں کوروناکےمثبت کیسزکی شرح4.97 فیصد رہی جبکہ ایک ہزار 534 مریضوں کی حالت تشویشناک ہے ۔   گزشتہ 24 گھنٹوں میں ملک میں کورونا وائرس کے مزید 48ہزار 37 ٹیسٹ کیے  گئے۔ پاکستان میں گزشتہ 24 گھنٹوں میں 4 ہزار792 افراد کورونا سےصحت یاب ہوئے  ہیں ۔ این سی اوسی کے مطابق ملک میں اب تک    13لاکھ 88 ہزار  517 مریض  کورونا سےصحت یاب ہوچکےہیں۔  https://twitter.com/OfficialNcoc/status/1493751661394812928?ref_src=twsrc%5Etfw%7Ctwcamp%5Etweetembed%7Ctwterm%5E1493751661394812928%7Ctwgr%5E%7Ctwcon%5Es1_&ref_url=https%3A%2F%2Fgnnhd.tv%2Furdu%2Fnews%2F12090 واضح رہے کہ پاکستان میں کورونا وائرس کا پہلا کیس 26 فروری 2020 کو ملک کے سب سے بڑے شہر کراچی میں سامنے آیا تھا۔